საბერძნეთში 23 წლის ქართველი გოგონა გარდაცვლილი იპოვეს – გოგონას 2 თვის ბავშვი დარჩა

საბერძნეთში 23 წლის ქართველი გოგონა, სოფო წიკლაური გარდაცვლილი იპოვეს.

შოთო სიხარულიძის ინფორმაციით, წიკლაურს 2 თვის ბავშვი დარჩა, რომელსაც ძაღლი დარაჯობდა….

“შოთო სიხარულიძე ქართველი ემიგრანტები” ღრმა მწუხარებას გამოთქვამს თანაუგრძნობს და სამიმარს უცხადებს ოჯახს.

“სოფო სამი წლის წინ გავიცანი,ახალგაზრდა გოგონას ჭკვიან, კრიალა თვალებიდან, სევდანარევი ტკივილი მიყურებდა.მივხვდი ცხოვრების სუსხიან წლებს მარტო უმკლავდებოდა.არადა სულ 23 წლის თუ იქნებოდა. მინდოდა დავხმარებოდი, ვთხოვე მოსულიყო ჩვენს “ქართულ სახლში“ დამპირდა კიო, თითქოს წამიერად მოსწყდა წარსულის წამებს, გაიხარა, ჩვენი შეხვედრით, მაგრამ არ მოვიდა, დამეკარგა… ამ დღეებში ბავშვის სურათი გადმომიგზავნა ბოდიში მომიხადა, რომ „დავიკარგეთო.“ დღეს კი შავ ფარდად დაეშვა სიყვარული, ოცნება, იმედი და ყველა მისი საიდუმლო. ბავშვივით გავშრი… სოფო დავკარგეთ, ალბად უკანასკნელად ცრემლი მოსწყდა განაწამებ დედას, რომელიც მის ერთი თვის შობილს ხარბად უყურებდა და შველას ითხოვდა. მისი პატარა დედას ვერასოდეს ნახავს, ტრაგიკულად დამთავრდა ამ პატარა გოგონას ყოფა ემიგრაციაში. ბედს წინასწარ ვერავინ გათვლის.ემიგრაციაში კი მსხვერპლი იზრდება.ვერაფერს ვშველით… “- ამ პოსტს კი დარეჯან ღამბაშიძე ავრცელებს.

ამ დროსითვის დაუდასტურებელი ინფორმაციით, საბერძნეთში გარდაცვლილი 23 წლის სოფო წიკლაური მოკლულია.

რაც შეეხება საქართველოს საგარეო საქმეთა სამინისტროს, უწყებაში აცხადებენ, რომ  ქართველი ქალის გადმოსვენების პროცედურაში ჩართულია ათენში საქართველოს საკონსულო.

„გადმოსვენების პროცედურაში ჩართულია ათენში საქართველოს საკონსულო. ცხედარი გადასვენებულია ბიუროში. გამოძიებას აწარმოებენ საბერძნეთის საგამოძიებო სტრუქტურები. ათენში საქართველოს საკონსულო მუდმივ კონტაქტზეა მათთან“, – აცხადებენ სამინისტროში “ნიუპოსტთან” საუბრის დროს.