მაღალი სიცხე და გამონაყარი – არის თუ არა საშიში ბავშვებისთვის „პომიდვრის გრიპი“ ინდოეთიდან

20

ინდოეთში ახალი ვირუსული ინფექცია გავრცელდა, რომელსაც ქვეყნის ჯანდაცვის სამინისტრომ პომიდვრის გრიპი უწოდა. ინფორმაციას ადგილობრივი მედია ავრცელებს.

დაავადება, პირველად, კერალას შტატში, მოგვიანებით კი, ინდოეთის კიდევ 3 შტატში გავრცელდა.

„პომიდვრის გრიპის“  ინფექციას იმიტომ უწოდეს, რომ ის ტანზე წითელ ლაქებს იწვევს, რომელიც ნელ-ნელა იზრდება და ხშირად პომიდვრის ზომას აღწევს.

„პომიდვრის გრიპი“ სიცოცხლისთვის საშიში არ არის და მისი მკურნალობის სპეციალური დანიშნულება არ არსებობს.

დაავადების დროს პაციენტებს მაღალი სიცხე, სახსრების ტკივილი და გამონაყარი უფიქსირდებათ. ასევე რიგ შემთხვევებში ბავშვებს აქვთ კუჭის აშლილობა, ღებინება და სისუსტე.

ვირუსს covid-19-თან კავშირი არ აქვს.