19.8 C
Tbilisi
ხუთშაბათი, მაისი 26, 2022

რეკლამა

მთავარი რეგიონი ცრუ ოპერაცია - ახალციხეში ამოჭრილი ორგანო თბილისში ექიმებს ადგილზე დახვდათ

ცრუ ოპერაცია – ახალციხეში ამოჭრილი ორგანო თბილისში ექიმებს ადგილზე დახვდათ

ახალგაზრდა ქალი, 35 წლის ფიქრია ბარბაქაძე ყვება, რომ ახალციხის კლინიკაში ჩატარებული ოპერაციის შედეგად ექიმებმა ერთ-ერთი ორგანო, კერძოდ ფალოპის მილი ამოაჭრეს და უთხრეს, რომ შვილის გაჩენას ვეღარ შეძლებდა.

სამედიცინო მანიპულაცია ახალციხეში, კლინიკა იმედის ექიმებმა, მარინა ხაბაროვამ და დავით მაისურაძემ ჩაატარეს. გარკვეული პერიოდის შემდეგ უკვე სხვა კლინიკაში გაირკვა, რომ ორგანო ადგილზეა და ის სრულიად ჯანმრთელია. დაზარალებული პაციენტი ახლა ახალციხის კლინიკის ექიმების წინააღმდეგ სამართლებრივ დავას აწარმოებს. საქმეს ადგილობრივი პოლიცია იძიებს.

ის, რომ პაციენტისთვის ახალციხეში ორგანო მართლაც არ ამოუჭრიათ, “კურიერს” თბილისში, იმედის კლინიკაშიც დაუდასტურეს, სადაც ფიქრია ბარბაქაძეს განმეორებითი ოპერაცია ჩაუტარდა.

ექიმი მაია ბოდოკია “რუსთავი2-თან” ინტერვიუში ამბობს, რომ ოპერაციის დროს მას ორგანო ადგილზე დახვდა. მეან-გინეკოლოგი მაია ბოდოკია კამერების წინ კოლეგა ექიმების სავარაუდო შეცდომაზე საუბრისგან თავს იკავებს, თუმცა “კურიერთან” სატელეფონო ინტერვიუში არ უარყოფს, რომ თავის დროზე პაციენტს ფალოპის მილის ამოკვეთის ოპერაცია არ ჩატარებია და ახალგაზრდა ქალს ორგანო, რომელიც მთელი ოთხი წლის განმავლობაში ამოკვეთილი ეგონა, რეალურად ადგილზე ჰქონდა.

ცრუ ოპერაციის ჩატარებაზე მიუთითებს ფიქრია ბარბაქაძის მიერ ქართულ-ამერიკულ კლინიკაში ჩატარებული სამედიცინო გამოკვლევებიც, რითაც ასევე დასტურდება, რომ პაციენტისთვის არანაირი ორგანო არ ამოუჭრიათ. თავად ბრალდებების ადრესატი ექიმები დღეს “კურიერის” კამერასთან არ გამოჩენილან. ახალციხის კლინიკა “იმედში” მათ ნაცვლად განმარტება დაწესებულების მენეჯერმა გააკეთა. კლინიკაში დღესაც ირწმუნებიან, რომ ფიქრია ბარბაქაძეს ფალოპის მილი მართლაც ამოაჭრეს, თუმცა უჭირთ ახსნა, თუ როგორ აღმოჩნდა ოთხი წლის წინ ამოჭრილი ორგანო კვლავ თავის ადგილზე.

35 წლის ფიქრია ბარბაქაძის საქმეს ერთდროულად რამდენიმე უწყება სწავლობს. საგამოძიებო ორგანოც და რეგულირების სააგენტოც ახლა ექსპერტიზის ოფიციალურ დასკვნას ელოდებიან. ჩატარდა თუ არა ახალციხის კლინიკაში ცრუ ოპერაცია ფინანსური დაინტერესების მიზნით, ამ კითხვას პასუხი სწორედ ექსპერტიზის დასრულების შემდეგ გაეცემა. არ არის გამორიცხული საქმის ფიგურანტი ექიმები პასუხისგებაში მისცენ.

წყარო: rustavi2.ge

- Advertisment -

ახალი სტატიები

საქართველოს ბანკის საინვესტიციო პლატფორმას უკვე 10,000-ზე მეტი მომხმარებელი ჰყავს

25 მაისი, 2022- საქართველოს ბანკი ახალი, ტექნოლოგიური შესაძლებლობების შექმნას განაგრძობს. “Galt & Taggart”-თან და საერთაშორისო ფინანსური ტექნოლოგიების პლატფორმა “DriveWealth”-თან პარტნიორობით, ბანკმა რამდენიმე თვის წინ...

საქართველოს ბანკი Seamless Middle East 2022-ზე წარდგება

24 მაისი, 2022- საქართველოს ბანკი, როგორც ტექნოლოგიური კომპანია, ტექ-მიმართულებით  ტრანსფორმაციას და სიახლეების დანერგვას განაგრძობს.  ამჯერად ბანკი  გადახდების, ელექტრონული კომერციისა და საცალო ვაჭრობის მიმართულებით ახლო...

საქართველოს ბანკი და სავაჭრო პალატა ბიზნესების გაციფრულების პროექტს „100 ვებ-გვერდი მეწარმეებს“ ახორციელებენ

24 მაისი, 2022- საქართველოს ბანკი ქვეყნის მასშტაბით ბიზნესისთვის ახალი შესაძლებლობების შექმნას განაგრძობს. ამჯერად ბანკი მცირე და საშუალო ბიზნესის მხარდამჭერ პროექტში „100 ვებ-გვერდი მეწარმეებს“ ერთვება....

საქართველოს ბანკთან პარტნიორობით სასტუმრო-სანატორიუმი „ბორჯომი პალასის“ რეაბილიტაცია დასრულდა

23 მაისი, 2022- საქართველოს ბანკი ქვეყნის მასშტაბით ბიზნესის ხელშეწყობას განაგრძობს. ბანკთან პარტნიორობით, სასტუმრო-სანატორიუმი „ბორჯომი პალასის“ რეაბილიტაცია  დასრულდა. პროექტის მხარდასაჭერად, საქართველოს ბანკის მიერ 11 მლნ....