8.8 C
Tbilisi
შაბათი, ოქტომბერი 23, 2021

რეკლამა

მთავარი სოციალური მედია ბათუმელმა გოგომ 120 კილო დაიკლო (ფოტო)

ბათუმელმა გოგომ 120 კილო დაიკლო (ფოტო)

სოფო აბაიშვილის შესახებ ბევრმა ადამიანმა იცის. ის 31 წლისაა და 120 კილოგრამი დაიკლო. ამბობს, რომ ეს მისთვის დიდი მიღწევაა და საკუთარ გამოცდილებას ხშირად უზიარებს სოციალურ ქსელში სხვებსაც. ახლა 65 კილოგრამს იწონის და სასურველ წონას დიდი ხანია ინარჩუნებს. სოფო გვიყვება, როგორ დაიკლო და რაზე ამბობს უარს, რომ შედეგი შეინარჩუნოს:
– წონის პრობლემა 13 წლის ასაკიდან დამეწყო. არც ჰორმონალური დარღვევა მქონია და არც ჯანმრთელობის სხვა პრობლემა. უბრალოდ, ჭამა მიყვარდა და ბევრი არასასარგებლო პროდუქტით ვიკვებებოდი. ამის გამო 13 წლის ასაკში 80 კილო ვიყავი.
24 წლის ასაკში კი 185 კილომდე ავედი.

– როგორ დაიკელით ამის შემდეგ?
– 24 წლის ასაკში ენდოკრინოლოგთან მივედი, ჩავიტარე გამოკვლევები და ჯანმრთელობის არანაირი პრობლემა არ მქონია. დავიწყე სწორი კვება. ენდოკრინოლოგი ძალიან მეხმარებოდა, ყოველდღიურად ვეკონტაქტებოდი. 10 თვის განმავლობაში სწორი კვებით 75 კილო დავიკელი. წელიწად-ნახევარი შევინარჩუნე ეს წონა. მერე რესტორანში ვმუშაობდი, კვების რეჟიმი ამერია, ნერვებმაც მიმტყუნა და 60 კილოზე მეტი ისევ მოვიმატე. რაც დავიკელი, თითქმის ავინაზღაურე. თავს ვეღარ ვაკონტროლებდი. ჩემმა დამ და სიძემ მირჩიეს, რომ ბარიატრიული ქირურგიისთვის მიმემართა. კუჭის ოპერაცია გავიკეთე, მაგრამ ამ ოპერაციის გაკეთება ავტომატურად კლებას არ ნიშნავს. მოვიკრიბე ძალები და 2 წელი სწორ კვებაზე ვიყავი. 120 კილო დავიკელი. უკვე 4 წელი გავიდა და წონას დღემდე ვინარჩუნებ.
არის დღეები, როდესაც ვარღვევ და საკუთარ თავს განტვირთვის შესაძლებლობას ვაძლევ, მაგრამ მაინც სულ ფორმაში ვარ.

– რა შედის ახლა თქვენს რაციონში და რაზე მოგიწიათ უარის თქმა?
– დღის განმავლობაში ვცდილობ, რომ 4-5-ჯერ ვიკვებო. დილით შვრიის ფაფას მივირთმევ, ხილსაც ვჭამ. თორმეტი-პირველი საათისკენ წვნიანს, საღამოს საათებში კი ვცდილობ, მოხარშული ხორცი ან თევზი მივიღო. ვჭამ ბოსტნეულს და ცხიმიან საკვებს ვერიდები. ცომეულზე უარი ვთქვი, ხოლო ტკბილზე უარს ვერასდროს ვამბობ, შოკოლადის გარეშე ჩემი ცხოვრება წარმოუდგენელია. მაგრამ, რაოდენობას ძალიან ვაკონტროლებ.

რა გამოხმაურება მოჰყვა თქვენს შედეგს?
– არ ველოდი ასეთ გამოხმაურებას. ყოველთვის ვმალავდი საკუთარ ფოტოებს. რაც დავიკელი, სოციალურ ქსელში განსხვავების დადება დავიწყე. ძალიან ბევრი ადამიანი დაინტერესდა, უამრავი ჟურნალი თუ საიტი გამომეხმაურა, მიმიწვიეს ტელევიზიებში. სულ სხვანაირი ცხოვრება დავიწყე. უფრო გახალისდა ჩემი ყოველდღიურობა. ყოველ დილით, როდესაც სარკეში ვიხედები, საკუთარ თავს ვეუბნები, რომ გამომივიდა. ვცდილობ, რომ სულ ფორმაში ვიყო და კვება გავაკონტროლო.

– რას ურჩევთ იმ ადამიანებს, რომლებიც იმავე პრობლემის წინაშე დგანან, რასაც თქვენ წლების წინ ებრძოდით?
– შეუყვარდეთ საკუთარი თავი. ყველას ვუსურვებ ნებისყოფის მოკრებასა და საკუთარ ძალებში დარწმუნებას. მერე ყველაფერი გამოვა. მთავარია მონდომება და ძალიან დიდი სურვილი.

წყარო:dainteresdi.club

- Advertisment -

ახალი სტატიები

ალეკ ბოლდუინის მიერ გადასაღებ მოედანზე გასროლის შედეგად დაღუპულია ოპერატორი, ფილმის რეჟისორი კი დაჭრილია – მედიაში ტრაგედიის შემდეგ გადაღებული ფოტოები ვრცელდება

ჰოლივუდის მსახიობმა და რეჟისორმა ალეკ ბოლდუინმა გადასაღებ მოედანზე ცეცხლსასროლი იარაღიდან გაისროლა, რის შედეგადაც ოპერატორი ქალი გარდაიცვალა, ფილმის რეჟისორი კი - დაიჭრა.მედიის ინფორმაციით, მსახიობმა გასროლა განახორციელა...

“მოდით ღარიბაშვილს დავარქვათ “ჰიტლერი 2” – ლამარა აბჟანდაძე ირაკლი ღარიბაშვილზე

"ვაიიი! მართლა ჰიტლერი მეგონა. მოდით ამ ღარიბაშვილს დავარქვათ "ჰიტლერი 2 ",  - ამის შესახებ Facebook-ზე ბლოგერი ლამარა აბჟანდაძე წერს. ვაიიი! მართლა ჰიტლერი მეგონა. მოდით...

ძალიან მტკივა, რომ ახლა მისი მდგომარეობა კრიტიკულს უახლოვდება-იასკო სააკაშვილზე

მიხეილ სააკაშვილის პარტნიორი, უკრაინის რადას დეპუტატი, ლიზა იასკო დღეს მიხეილ სააკაშვილთან ციხეში შეხვედრის შემდეგ ამბობს, რომ საქართველოს მესამე პრეზიდენტის ჯანმრთელობის მდგომარეობა უარესდება და კრიტიკულს...

საქართველოს ბანკის მხარდაჭერით ტყიბულში ჩირებისა და ჩურჩხელის მცირე საწარმო მოეწყო

  22 ოქტომბერი, 2021- საქართველოს ბანკის მხარდაჭერით ტყიბულის რაიონში ჩირებისა და ჩურჩხელის მცირე საწარმო მოეწყო. ,,ჩაროზი"როგორც საწარმოს, ასევე მაღაზიას აერთიანებს და მომხმარებელს 8 სახეობის ჩურჩხელასა...